WIE IS NG KERK KLOOFSIG 

Ons verheerlik God. Ons dien mekaar. Ons bereik die gemeenskap. 

Leraar: Ds Petro du Toit

​As jong, idealistiese dromer skryf ek in 1979 vir teologie, en voltooi die volgende grade en kwalifikasies: 

1981   BA (Admissie) RAU
1983  BA Hons (Bybelkunde) deeltyds by RAU 
1984  BD (Up)
1985  Nagraadse Diploma in Teologie

Aangesien die vrou nog nie tot die amp toegelaat was nie, word ek 7 jaar later in 1992 geligitimeer. Nog tien jaar gaan verby waarin ek aansoek doen vir poste, maar ervaar dat die kerk nog nie reg was vir 'n vroue predikant nie.

In 2002 - 2008 dien ek as kapelaan in die SAPD, en met 'n sersant rang doen ek onvergelyklike ervaring op in traumaberading en doodsboodskappe. Dit was die mees intense jare van my beroep, maar ek het ongelooflike ervaring opgedoen. 

Ek verlaat die polisie vir 'n tentmakerspos by Lyttelton Noord NGK, met opdrag van Rusoord Centurion, en het die voorreg om 2 jaar Pastorale hulp te wees by Garsfontein NG Kerk. 

In 2012 word ek na 28 jaar in my eerste eie gemeente bevestig as Tentmaker leraar by NG Kerk Kloofsig. My droom word vervul en my hoogste ideaal bereik. Ek is nou amper 6 jaar in diens en dankbaar teenoor my gemeente en God. 

Dankie, liefste Kloofsig, julle hou my hande hoog en saam skryf ons 'n mooi liefdesverhaal tot eer van ons Here. 

---

Ons Eredienste

Kategese    08:00 - 09:00

(Geen kategese gedurende skoolvakansies en lang naweke.) 

Erediens     09:00 - 10:00 

Biduur        Elke Woensdag 10:00 (behalwe skoolvakansies) 

Amptenare

Gemeente Bestuurder     Dries Steyn                  dna374@gmail.com 

Skriba                                  Annamarie Steyn       ngkerkkloofsig@gmail.com   

Kategese                            Christo Kleinhans       060 600 6113
​
Jeugkomissie                     Albert Verster             hav@lantic.net